Publié dans Malagasy

Distrikan’Antanifotsy - Dimy mianaka navadiky ny sarety, 3 maty tsy trà-drano

Publié le mercredi, 10 janvier 2018

Fantatra tamin’ireo angom-baovao voaray nifanesisesy tamin’ity herinandro ity fa maro ireo  olona namoy ny ainy, noho ny fiakaran’ny ranobe amin’izao fotoana izao. Anisany nahitana izay tranga izay ny tao amin’ny  Distrikan’Antanifotsy ary voalaza fa  telo mianaka 50 taona sy 24 taona ary 13 taona no nindaosin’ny fahafatesana. Raha ny tatitra voaray avy an-toerana àry dia ny talata lasa teo tokony ho tamin’ny folo ora maraina tany ho any no fantatra fa olona dimy mianaka no nandeha sarety hiampita renirano atao hoe “onive”.

Marihana anefa, hoy ireo mponina fa niakatra be sy natahorana fatratra ny fiampitana ity renirano ity saingy  tsy nahasakana azy mianakavy  hiampita izany. Efa niezaka nandrara azy ireo ny teo amin’ny manodidina satria hita mibaribary fa  hatramin’ny tetezana mihitsy no difotry ny rano. Nisisika toy ny nasesi-doza ireto farany  ka nanohy ny diany hatrany. Tsy tonga lavitra akory ilay sarety dia nivadika noho ny fitosahan’ny rano mahery loatra. Vokany, latsaka tao anatin’ity   rano lalina  ity avokoa izy dimy mianaka tamin’io fotoana io. Maty tsy tanà intsony ny ain’ilay renim-pianakaviana sy ny zanany vavimatoa ary tsy nisy netin’ny rano fa avy dia hita daholo raha ny tatitra voaray. Tampoka teo dia vory ny olona sy ny zandary  ka raikitra ny fifamonjena  sy ny savahao teo amin’ity renirano ity ka hita fa avotra soa aman-tsara ilay raim-pianakaviana  sy ny zanany lahy iray. Hita ho sempotry ny rano ihany izy ireo tamin’ny fotoana nifamonjena saingy  voavonjy ara-dalàna sy ara-potoana na izany aza. Ilay tovolahy kely zanak’izy ireo farany 13 taona no tsy hita raha tsy tamin’ny 4 ora hariva tany ho any ka efa  tsy nisy aina intsony. Efa eo am-pelatanan’ny fianakaviana ny razana  ankehitriny .
Nandray fepetra hentitra ny mpitandro filaminana ao an-toerana
Azo lazaina ho tsy tampoka tamin’ny fokonolona ny zava-niseho raha ny fanampim-panazavana voaray hatrany. Noho ny fahitana ny fiakaran’ity renirano ity dia efa betsaka ireo nanahy sao hisy olona lasan-drano. Vao tsy ampy firy andro akory, hoy ny teo amin’ny manodidina dia  niseho ny sampona. Manoloana izay tranga izay dia  nandray fepetra hentitra aloha ireo mpitandro filaminana  mba hisorohana ny loza. Nisy araka izay  ny fiambenana ireo mifamezivezy ao an-toerana amin’izao fotoana izao. Misokatra ihany koa ny fanadihadiana ny raharaha hatreto.
Tokony hitandrina ireo mponina, indrindra ireo tsy maintsy miampita renirano
 Manoloana ny fiakaran’ny renirano maro manerana ny Nosy ankehitriny dia ny rehetra mihitsy no samy tokony hitandrina satria raha ny vaovao voaray  hatrany no jerena dia  ireo olona lasan’ny rano no tena nifanesisesy tato ho ato. Porofon’izany mivaingana ihany koa ny zava-niseho tany Moramanga ny alahady lasa teo iny. Olona miisa fito be izao no lasan’ny reniranon’i Mangoro tao amin’ny Kaominin’Ambohidronono. Raha tsiahivina kely ity tranga ity dia olona avy nandevina  ny fianakaviany izy ireto ary mpianakavy iray ihany. Fantatra tamin’ireo niharan-doza ary fa renim-piakavina miisa roa niaraka tamin’ny zanany avy no anisany nindaosin’ny fahafatesana tamin’ity tranga ity.  Vokatr’izay tranga izay dia hentitra ireo zandary isaky ny borigady  amin’ny fanaraha-maso na dia tampoka aza ny ankamaroan’ireo tranga miseho matetika.
Tatianà R.

Laissez un commentaire

Assurez-vous d'indiquer les informations obligatoires (*).
Le code HTML n'est pas autorisé.

Fil infos

  • Taux de pauvreté en baisse - Un ministre paie 9 000 euros pour ses gardes du corps
  • Appel aux services d’Houcine Arfa - Le Président humilie les galonnés malgaches
  • Corruption de haut niveau - Un ex-maire roumain en fuite demande l’asile politique à Madagascar
  • Affaire Houcine Arfa - Trois tentatives de corruption de la Procureure de la République
  • Visas aux frontières - Levée de boucliers contre Ametis
  • Affaire Houcine Arfa - Les pénitentiaires demandent la libération de leurs pairs
  • Insécurité - Le propriétaire de « Kalidas » kidnappé en plein jour !
  • Décès de Léon Rajaobelina - La Présidence humiliée !
  • Présidence de la République La crise de confiance étalée au grand jour
  • Affaire Houcine Arfa - « Que le Bianco se saisisse des dénonciations ! »

La Une

Recherche par date

« January 2018 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Editorial

  • « Far West » 
    « Far West », littéralement « Ouest lointain », une riche et étonnante épopée relatant les fantastiques aventures des pionniers américains. En partant de l’Est en direction de l’Ouest, ils parvenaient à atteindre, au risque de leur vie, les côtes occidentales, celles de la Californie d’aujourd’hui. Une étape importante de l’Histoire des Etats-Unis se cadrant chronologiquement dans le XIXème siècle américain. Une période idyllique où les réalisateurs américains de cinémas n’ont pas raté de se faire des fortunes avec les célèbres films « Western » (Vers l’ouest). Les « shérifs », les représentants de la loi dans leurs localités avaient dû affronter, quotidiennement, les méfaits des « desperados » en provenance du pays voisin (Mexique) qui semaient la terreur. Ces « sans foi ni loi » pénétrèrent à l’intérieur des Etats du Texas, du Nouveau-Mexique ou de la Californie et agissaient en véritables maîtres.

A bout portant

AutoDiff