Antsanitia-Mahajanga - Mpianatra miisa dimy niara-namoy ny ainy

Publié dans Malagasy

Antsanitia-Mahajanga - Mpianatra miisa dimy niara-namoy ny ainy

Publié le vendredi, 25 avril 2025

Mpianatra nanao dia fibeazana miisa dimy no indray namoy ny ainy tao amin'ny moron-dranomasin'Antsanitia, Mahajanga ny 24 aprily 2025 lasa teo, tokony ho tamin'ny iray ora folakandro. Nilalao ranomasina ireo mpianatra, raha ny fanazavana. Nilentika ny iray ka niroboka namonjy ireo efatra namany. Samy tsy nisy nipoitra intsony anefa izy dimy ka raikitra ny horakoraka sy antso vonjy.

Mpianatra avy ao amin'ny Lisea Manjakandriana izy ireo. Kilasy voalohany sy faharoa ary famaranana saika manodidina ny 14 hatramin'ny 16 taona avokoa. Miisa 104 ny mpianatra sy mpampianatra indray tonga tany Mahajanga hiatrika ity dia fibeazana ity saingy izao tra-doza izao.

Manoloana ity tranga ity, nanao fanambarana ny minisiteran'ny Fanabeazam-pirenena ary maneho ny fiaraha-miory sy fankaherezana ho an'ireo niharam-boina sy ny ray aman-drenin'izy ireo tsirairay avy, ny sekoly sy ny mpiandraikitra rehetra. « Vao naheno ny loza ny minisitera dia nandray ny andraikiny avy hatrany ary niara-nisalahy tamin'izany ny DREN Boeny sy DREN Analamanga, ary ireo tompon'andraikitra isan-tsokajiny manoloana izao tranga mampalaelo izao », hoy ny fanazavana.

Nampatsiahy ny tompon’andraikitra isan-tsokajiny toy ny talen-tsekoly, ny ray aman-dreny, ny mpampianatra ny ministera fa ny dia fibeazana na ny « voyage d’études » dia fehezin'ny naoty laharana 2024/915 tamin'ny 12 septambra 2024. Manomboka amin'ny fangatahan-dalana izany, ny fisafidianana ny fiara, ny tompon'andraikitra afaka manome ny fahazoan-dalana, ny fankatoavan'ny ray aman-dreny, ny fitandremana mila atao.

« Tsy azo terena na mivantana, na an-kolaka ny mpianatra sy ny ray aman-dreny amin’izany fa manana safidy malalaka. Mila lamina maty paika ny fikarakarana, ka tsara raha mametraka fiaraha-miasa akaiky ny sekoly sy ny ray aman-dreny amin'ny fanantanterahana izany », hoy hatrany ny fanambarana.

J.M

Fil infos

Andry Rajoelina - « J’ai dû rejoindre un lieu sécurisé »
Présidence du Sénat - Jean André Ndremanjary assure l’intérim
Actu-brèves
Présidence du Sénat - Le bureau permanent destitue le Général Ravalomanana Richard
Décès d’un étudiant à Antsiranana - Le Président de la République induit en erreur
Premier ministre Zafisambo Ruphin - « Le retour à la vie normale est une priorité »
Campus Vontovorona - Les groupes électrogènes installés
Actu-brèves
Présidence - Vers un grand ménage
Actus-brèves

La Une

Recherche par date

Editorial

L’ordre public
Un précieux bien public à protéger, un trésor national à haute valeur ajoutée en somme, un patrimoine immatériel à sauvegarder, l’ordre public caracole en tête des priorités qu’il faille avoir sous contrôle en premier lieu. Dans un pays où l’ordre public est absent en ce sens qu’il glisse vers l’anarchie, il ne peut pas y avoir une chance d’aboutir à la réussite. Dans un pays où le trouble dans tous ses états prédomine, la sérénité part en fumée et la confiance disparait. L’ordre public, la sérénité et la confiance, trois en un, garantit le développement. Comme tout trésor, l’ordre public en abrégé OR car il s’agit réellement de l’or, se cherche et se préserve précieusement.